白羊同射手，星座速配情侣。我哋一齐，却有好多曲折。有一大半，喺我哋自己制造嘅。
识咗就两年了，有feel却唔喺一开始嘅时候。上年暑假，失恋。元气大伤，因为上一个逃避我逃避爱嘅男人。亦都喺嗰个时候，袮时不时搵我，话挂住我。当时只不过喺普通同学，觉得袮性格有点怪，不过慢慢开始熟络，以为袮喺开紧玩笑，于是乎回应袮话，我都挂住袮。
点知慢慢真喺会挂住。
袮喺广图温书嘅时候打俾我。讲咗好耐嘅电话，连耳仔都有点痛。先知道，原来同袮都可以有咁多嘢讲，而且讲得咁开心。
伤口，慢慢好翻。多咗一个人。好似喺袮，但喺唔敢sure。始终都喺同学。太熟，一步错，步步错。我太怕冇咗一个可以开心交谈嘅朋友。想讲D乜，又唔敢讲。
终于明确咗自己心意嘅时候，就决定同袮讲。射手座嘅勇往直前，忍受唔到一丝一毫嘅犹豫。但喺出乎我意料，袮退缩咗。失望嘅我，将过往嘅嘢，受过最大嘅伤害，全部都话嘥俾袮知。有少少破釜沉舟嘅悲壮意味，但喺当时，我只觉得，同袮，喺冇可能噶了。
于是乎开始整理心情。删咗之前袮话挂住我嘅短信。拖袮嘅QQ入黑名单。发短信叫袮唔好再搵我。但始终硬唔下心肠。因为袮都唔放手。
朋友。我唔要做朋友。我唔甘心做朋友。但喺我都唔想离远望住袮。咁样更加痛。所以我留翻喺袮身边。就算袮乜都唔肯确定。就算，袮话唔可以一齐。
中秋节，因为袮一句，可唔可以陪我？我放弃咗翻屋企，陪袮过咗第一个冇同屋企人过嘅团圆节。我哋烧咗烟花，袮借机揽住我，仲烧烂咗我件衫。嗰个焦黄嘅小洞，喺我哋关系开始转变嘅见证。虽然过后，袮依然咩都冇讲。但喺我知道，喺大家心入边，对方嘅角色都唔同咗。袮都唔可以，再摞朋友嘅幌子来搪塞我。
国庆前，终于都逼出袮心入边嗰句说话。好开心，但喺同时又有点泄气。因为始终都未可以同你一齐。我呕气话国庆七日都唔搵你，点知第一日就唔争气咁搵咗你。你取笑我唔守信之余都好开心咁同我chat。见唔到，就会好挂住。由一开始就喺咁，一直都依家都丝毫冇改变过。
国庆翻来，已经偷偷哋喺埋一齐嘅我哋，冇话俾大家知我哋开始咗。因为袮唔想咁多人知。所以除咗身边最好嘅两三个人之外，连我嘅室友都唔知我究竟同紧边个拍拖。一开始，袮好易就想放弃。可能倾计讲到D乜，一言不合，袮就要我走。好难过，觉得点解我咁珍视嘅嘢好似对袮来讲咁可有可无咁。依家霖翻，袮可能只不过喺唔够自信，而且，袮都从来唔知道要点样去维系一段感情。我唯有硬起心肠，籴起心肝，做强势嗰个。喺袮萌生去意嘅时候，死拖住袮唔放。冇矜持，所以有时觉得自己好唔衿贵。但喺，我知道，要同当时好易打退堂鼓嘅袮一齐，一定要有足够嘅耐力，勇气，同埋厚面皮，所以我都唯有喺咁样，一次又一次咁，将想走嘅袮再擝翻来。
不过，阅历唔同嘅两个人，一齐始终都喺困难重重。又一次，当袮问到我嘅过去嘅时候，我终于都挡唔住。而当我讲到我嘅以前好糜乱又充满伤痛嘅时候，袮沉默咗。再讲翻嘢，喺嗰句，对唔住，我接受唔到。呢一次，我终于再都撑唔住了，唯有俾袮走。因为我知道，无论我做D乜，对袮有几好，为袮做得再多，袮接受唔到我嘅过往，我哋都冇可能一齐得长久。散拖，我再都唔想拍了。咁难咁辛苦，先俾我遇到一个可以安定愿意安定嘅人，嗰个人却为唔知边个我喺真嘅我而摇摆不定。咁不如唔要了。痛又好，伤心又好，难过又好。我都唔想要了。我只喺想要好好咁爱一个人，为一个值得付出嘅人付出。既然我嘅付出遭人嫌弃，咁就唔好再付出了。既然人哋觉得我咁邋遢，我就行开，唔好污染人哋。
我当时喺咁霖噶。但袮却话，做唔成情侣，我哋都要做翻好朋友。又喺咁？我觉得袮好贪心。明明冇办法再接受我了，又唔想放我走。咁算点？但喺我更加唔知自己想点，因为我竟然应承咗。朋友又好，情侣又好，我想喺袮身边，照顾袮，陪伴袮。即使袮会嫌弃我。所以我约袮去睇比赛，我应承帮袮织颈巾，我摞嘢俾袮食，我陪袮去食消夜。同自己讲，就算乜嘢名分都冇都好，只要喺袮身边，袮开心，我就开心。就算要到帮袮搵女朋友嘅程度都好，我要袮开心。因为袮因为我嘅曾经咁唔开心过。
袮好似变得，比喺埋一齐嘅时候更加依赖我。食完晚饭翻来嘅路上，袮会兜远路。散步嘅途中，袮会拖住我只手。唔松唔紧。好似我哋嘅关系，暧昧，唔咸唔淡。但其实，我已经好满足。至起码，袮冇同我反目或者行同陌路。至起码，我可以喺咁近嘅地方，触摸到袮嘅开心同幸福，愤怒同失落。对我来讲，咁样已经好难得。
完全出乎意料，喺我生日之前，袮会同我讲，袮放唔低我。袮同我讲，袮可以唔介意我嘅过去发生过乜嘢，珍惜依家喺袮眼前嘅我。我想喊，不过冇喊。我好开心咁揽住袮，唔敢相信袮会咁讲。袮成长咗，成熟咗。袮亲口同我讲，袮会珍惜，同我说服袮接受呢个概念喺两个唔同嘅概念，亦都喺两个唔同嘅境界。我感激袮嘅宽容，都暗自发誓，我唔会辜负袮嘅珍惜。绝对唔会。
再一次，我变成一个师奶。煲汤俾袮饮，煮嘢食俾袮食，监督病咗嘅袮按时食药，关注袮媽咪嘅身体健康。喺媽咪面前，不停咁讲起袮嘅好。虽然讲嘅时候我都好忐忑。我好惊媽咪会唔钟意袮。但喺就算媽咪真喺唔钟意袮，呢一次，我都唔会再因为爸爸妈妈嘅睇法而放弃。因为，翻翻袮身边，喺咁难。难到我已经再冇勇气行开了。不过幸而，媽咪虽然冇讲咩，但喺一日日俾我嘅评价动摇。袮喺一个好乖好孝顺好纯嘅男仔。袮冇不良嗜好。袮好有上进心。袮识得凼我开心，令我成日都笑得好开心。袮识得照顾我，喺我病咗嘅时候。袮甚至会喂我食饭，好似媽咪好多年前做过嘅咁，因为我食唔落。袮会不时咁俾惊喜我，将最真实又最可贵嘅一面展现俾我睇，因为袮会当我喺重要嘅人。
咁样嘅幸福越多，我觉得越唔真实。或者喺惊袮会再一次离开我，所以有时我会忍唔住喺袮面前喊。袮时时都唔知应该点凼我，但喺我都好难解释俾袮听点解我会咁眼浅。寻晚，当袮同我话，20年后，无论发生咩事都好，我哋都要翻翻来我哋企紧嘅地方，再一次相拥。袮话，到时候，袮条水蛇腰应该就会变成水桶腰。我揽实袮，不停点头，眼泪不停咁流。袮慌失失咁问我点解又喊，喺感动，定喺其他？我话袮知，幸福得太唔真实。我都唔敢霖20年后会点。如果我哋冇办法令呢个约定成真，或者按照我哋原先预想嘅方向实现，咁我会好伤心。所以我宁愿唔要咁样嘅承诺。又一次，袮话我傻，钟意乱霖。但其实我知道，幸福开心都好短暂，我哋可以做嘅，就只喺用心努力咁，过好每一日有对方陪伴嘅日子。唔要20年之约，都唔要有遗憾。老公，我想同袮一直一直将今日当成最后一日咁过，用所有嘅力量来爱对方，所以我哋唔好约到咁遥远。我哋就约定，今日好好对对方，咁就够了。
不知不觉写咗咁多嘢，唔知老公会唔会上来睇，唔知袮睇咗之后会唔会怪我又写嘥我哋D嘢出来，唔知袮会唔会责怪我考试前一日唔温书写埋嘥D唔等使嘢。不过，我可以做嘅，就喺将我发觉自己好爱袮嘅每一个时刻尽量留低，等袮知道，我遵守我嘅承诺，爱袮，用我可以用嘅所有途径同力量。
因为袮喺我认定嘅最佳伴侣。 |
发表于 2008-4-19 14:11:08
收藏
分享
楼主
