某某、

吖儀

唔知道大家有冇试过咁嘅经历，明明你好憎一个人，好憎好憎，但系，到你哋断绝来往之后，你又会突然挂住佢。

睇完《我的最爱》，我有谂过，我的最爱究竟系边个。

可惜，冇，我冇最爱。

对于我嚟讲，我嘅LIFE冇最爱，每一次恋爱嘅时候都话嗰位男友系最爱，其实我觉得好讽刺。

因为，恋爱只系时间嘅长短，唔关最唔最爱事。

我曾经有一个后备情人。

我需要佢嘅时候，我去揾佢，我想发泄嘅时候，我去闹佢。

佢曾经做过正选，但系，无论系正选亦或系后备，我都依然选择住佢。

但有一日，嗰个男人终于忍受唔到。

我哋嘈咗一场好大好大嘅交，嘈到断绝来往。

听住“心乱如麻”，谂翻起好多往事。

唔知佢仲记唔记得呢一首歌。系我同佢啱识嘅时候，一齐用嘅铃声。

“没有胆色缠你心乱如麻”

一直以嚟，以为佢冇咗自己唔得，曾经那么一刹那以为，自己都冇咗佢唔得。

但系，仲系相信一句话“呢个世界冇话边个冇咗边个会死”。

我变咗，变得唔信人，变得对身边嘅事、人，都充满警觉。

直到有那么一天，知道佢话佢嘅最爱，已经再都唔系我嘅时候，个心，的确很痛。

我唔系一个输得起嘅人。但我真系开始搞唔明。

分开以后，自己仲好爱佢嘅时候，因为佢有女朋友，想法设法要佢讨厌自己，等佢同佢女友幸福。

遗憾嘅系，佢一直都唔知道我嘅谂法，一直都唔知道我背后嘅故事。

直到有一日，我哋断绝来往后嘅某一日，终于忍唔住，打咗俾佢。

再次遗憾嘅系，佢已经唔想再听到我把声，佢令我感受到，我当初对佢嘅冷淡，佢亦都冇俾机会我去讲出一切。

佢第一次，第一次狠狠咁吸咗我电话。

嗰晚我喊咗。系好心痛咁喊咗。

其实，我目的已经达到咗，佢好幸福，佢而家亦都好讨厌我，点解我仲会唔开心？点解我仲会喊啫？

睇住个个都有拖拍，自己单身嘅时候，的确多咗几分寂寞。

我总会被寂寞吞食。

到嗰一刻先发觉，原嚟，有一个人，一早就系我心目中有咗一个固定嘅位置。

从来冇人摧毁过呢个位置。从来冇人代替过呢个位置。

系我一直以嚟，完全冇理过嗰个人嘅感受，遮掩咗呢个位置。

可惜，嗰个人，从来，从来，从来，都唔会知道我点谂。

“在夜深人静的时候，想起他，他现在好吗”

对你，我已经冇咗恨。

更多嘅，系情。

我会好好过，等你再爱我。

到那一刻，我不会再放过。

********************************************************************************************************************************
我发神经，大家可以唔洗理我，唔洗留言。

∑尕※婷◆

哈哈..咁我5理嘎拉

吖儀

恩，对，我发神经而已。

小勋子

我都看了<我的最爱>..
是边想着她边看的....
看完之后自己心里也真的百般滋味!感触挺多的!
以前..我是习惯了她在自己身边..
现在..我是习惯了每日去想她........
长大了..活着..真累!

[ 本帖最后由 小勋子 于 2008-6-24 00:13 编辑 ]

XD_蚜頭

继续玩街波[em32]

儍大雄

人都系自私的!!~```呵呵

j8986898

爱之深...恨之切...
有些东西错过了就系错过了..尤其系感情..
就算以后在一齐番...嗰层隔膜系无可能修补得番..

a87238258

我曾经都有试过霖翻距,不过我觉得过左就系过左囖,无畏在霖了

babyduck

有过差不多的经历,
________________________
爱情其实很虚,

qq303837880

很好  很好的发泄出黎 就得啦  以后过好D就 ok啦

◇小遊遊◆

支持..都几感人噶...

stephy-ku

有病！！！